《真。隱世小店 暨 全香港最好食燒賣》
佢就係位於荃灣石圍角石荷樓附近（惠康對面）嘅冠華粥麵啦！
由於太隔涉嘅關係，我自己都好少去食⋯
唔好睇佢其貌不揚 佢嘅魚肉燒賣真係世界一🤤
.
偏腍嘅口感，食落唔係好plain好麵粉好彈牙咁，而係軟糯同好有魚味！係真係有啲魚味！我覺得就算係加埋香菇嘅元朗燒賣皇后都比唔上佢
.
燒賣係個亮點，辣油就係佢嘅驚喜！超級香！啲渣仲脆脆哋，我每次都會要多渣一粒一pat咁食！一定一定一定要加辣油🔥 真係每樣嘢都獨當一面，出面食唔到～
.
價錢由佢$5/5粒食到而家$7/5粒，每次去都唔會失望～真係估佢唔到一間粥麵店竟然有咁出色嘅燒賣😍😍（利申冇食過佢粉麵 淨係食過燒賣）
兩個人去到食咗四大串🤤都仲係好想食
_
Search